29,03,2024

Shqipëria e angazhuar në misionin e NATO-s

Must Read

Ministrja Kodheli shoqërohej në këtë takim nga shefi i Shtabit të Përgjithshëm të Forcave të Armatosura  gjeneralmajor Jeronim Bazo.

Kodheli e njohu zyrtarin e lartë amerikan me zhvillimet dhe angazhimet e fundit të Forcave të Armatosura të Shqipërisë.

Ajo rikonfirmoi angazhimin e vendit tonë në Task- Forcën e Gatishmërisë Shumë të Lartë, (Very High Readiness Joint Task Force, VJTF) me një kompani këmbësorie përtej vitit 2018.

Në këtë kuadër ministrja Kodheli e njohu Carpenter me stërvitjet e përbashkëta në të cilat Forcat e Armatosura të Shqipërisë kanë marrë pjesë kohët e fundit.

Një tjetër temë e takimit ishte edhe angazhimi i Shqipërisë në misionin e NATO-s Resolute Support, për të cilin ministrja Kodheli shprehu vendosmërinë e vendit tonë për vijimin e këtij kontributi, madje duke e dyfishuar pjesëmarrjen në këtë mision.

Kontingjenti shtesë i paqeruajtësve shqiptarë në Afganistan pritet të shërbejë në Herat nën komandën e Forcave të Armatosura italiane.

Gjithashtu, Kodheli e njohu Carpenter për pjesëmarrjen e Shqipërisë me një anije në operacionin e NATO-s në Detin Egje, në mbështetje të Frontex, agjencisë së BE për ruajtjen e kufijve.

Të dy personalitetet diskutuan për situatën e sigurisë në Siri dhe Irak dhe përpjekjet që koalicioni ndërkombëtar, ku bën pjesë edhe vendi ynë, po bën kundër ISIS-it.

Situata në rajon, ishte një tjetër pikë e diskutimeve. Dy bashkëbiseduesit vlerësuan iniciativat e përbashkëta të vendeve të Ballkanin Perëndimor.

Ministrja Kodheli theksoi se Shqipëria ishte një nga vendet e para që ratifikoi në Kuvend Protokollin e Pranimit të Malit të Zi në NATO, duke treguar kështu frymën e bashkëpunimit mes dy vendeve dhe duke mbështetur politikën e dyerve të hapura të Aleancës.

Kodheli e njohu zyrtarin e lartë amerikan me hapat e mëtejshëm që Shqipëria po ndërmerr për ngritjen e Qendrës së Ekselencës së NATO-s për studimin e fenomenit të luftëtarëve të huaj, si dhe vlerësoi maksimalisht punën e bërë nga Zyra e Bashkëpunimit Ushtarak (ODC) në Tiranë që nëpërmjet projekteve të shumta, ndihmon në trajnimin dhe modernizimin e Forcave të Armatosura të Shqipërisë.

Vizita e zëvendësndihmës sekretarit amerikan të Mbrojtje Michael Carpenter vjen menjëherë pas mbylljes së punimeve të Samitit të NATO-s në Varshavë dhe në kuadër të vizitës që ndihmës-sekretarja amerikane e Shtetit Victoria Nuland po zhvillon në Tiranë.

.

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img