28,03,2024

Lazaratasi gëlltiti drogën dhe qëlloi me grusht policin

Must Read
Bako Buzheri

Seksioni për Hetimin e Krimit në Komisariatin e Policisë Nr. 2 Tiranë, në bazë të informacioneve të marra në rrugë operative se, në afërsi të Sheshit “Karl Topia” po lëvizte një shtetas nga Lazarati,  i cili dyshohet për person në kërkim,  me rrezikshmëri kriminale,  menjëherë organizoi shërbimet e Komisariatit të Policisë nr. 2, për të  bërë të mundur ndalimin e shtetasit të dyshuarit.

Në momentin që punonjësit e policisë janë prezantuar si dhe kanë nxjerrë dokumentin identifikues policor,  shtetasi Bako Buzheri, 31 vjeç, nga Lazarati, i cili ishte i shoqëruar me një shtetas tjetër  Tahir Brahimi , 30 vjeç, ka kundërshtuar dhe  goditur me grusht punonjësit e policisë.

Në këto momente njëri nga punonjësit e policisë është detyruar të bëjë  qitje në ajër me armën e zjarrit duke  thirrur “Policia Kriminale, Mos Lëvizni”. Sapo është bërë i mundur neutralizimi i këtyre shtetasve,  Bako Buzheri, ka nxjerr një sasi të dyshuar si lëndë narkotike “Cannabis Sattiva”, dhe e ka gëlltitur.

Punonjësit e policisë kanë bërë të mundur që të sekuestrojë  një pjesë të kësaj lënde narkotike. Gjatë kontrollit fizik të shtetasit Tahir Brahimi policia  gjeti dhe sekuestroi  një numër i konsiderueshëm farash të dyshuara narkotike.

Shtetasi Bako Buzheri, ka qenë i  dënuar  më parë nga Gjykata e shkallës së Parë për Krimet e Rënda , me 21 vite heqje lirie për veprat penale të, “Heqje me të padrejtë e lirisë” dhe “Shtrëngimit për vënie pasurie”, por është lënë i lirë duke u shpallur i pafajshëm nga Gjykata  e Lartë.

Në përfundim të veprimeve të para hetimore u bë arrestimi në flagrancë  i dy shtetasve të lartpërmendur dhe materialet procedurariale  do t’i  kalojnë Prokurorisë pranë Gjykatë Shkallës së Parë Tiranë, për veprën penale ” Prodhim dhe Shitje e narkotikeve në bashkëpunim” dhe “Kundërshtim  me dhunë i punonjësve të policisë”.

The post Lazaratasi gëlltiti drogën dhe qëlloi me grusht policin appeared first on Lajminet.

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img