Show Biz

Labi u reagon klubeve të natës që po e bojkotojnë: Kur të ju bjerë puna, mos më kërkoni


Publikuar më:


Këngëtari dhe deputeti Labinot Tahiri, tash e sa kohë zhvillon aktivitetet e tij në dy fusha: atë të politikës dhe në muzikë.

Mirëpo në këtë të fundit, duket se jo gjithçka i ka ecur mirë, pasi i njëjti është revoltuar me disa nga klubet e natës, të cilat e kanë bllokuar atë për të performuar në to.

Ai vendosi të reagojë, duke publikuar një video në llogarinë personale në Instagram, ku shfaqet një turmë e njerëzve, teksa thërrasin emrin e tij kur ai ishte duke kënduar në një klub nate.
“Ato vende apo diskoteka që kanë vendos mem blloku, terasa apo clube ku do qofshin ato! Le t’a kuptojnë mirë, se ju e keni gabim, se e keni vetëm nga një diskotekë, por unë i kam si gjithmonë vendet e rezervura që mund të janë mbi 50 prej tyre. Kur të ju bje puna, mos thuani Vlla; a ban me e ba një mramje……!😉 Pra shikojeni masën e njërëzve që thrasin emrin tim sikur ky vend i shkëlqyer Coco Club. Do të kthehet koha jonë edhe më fuqishëm, për ata që e kanë zërin e dhuruar nga Zoti, sikurse puna e rrobave të viteve; 1950, 70, 80! Që kushtojnë shumë shtrejtë😉 Pra shihemi nēpër mbrëmjet gjigante që fillojnë nga qyteti im e në të gjithë vendin ku jane shqiptarët”, ka shkruar Tahiri në Instagram.

Ndërkohë, nuk është bërë e ditur arsyeja që ka çuar klubet e natës deri në bojkotimin e këngëtarit.

Sa i përket muzikës, Labi ka qenë mjaft aktiv këtë vit, teksa ka publikuar vetëm disa javë më parë këngën e tij të re në bashkëpunim me Ramadan Krasniqi.

Tahiri është i njohur për performancat e tij ‘live’ në koncerte, ahengje e dasma të shumta në trevat shqiptare. /Telegrafi/

To Top