Uncategorized

Kretë: Nis sinodi i kishave ortodokse, mes tyre edhe Shqipëria (Video)


Publikuar më:


Kreta

Janë dashur të paktën 50 vite përpjekjeje, që krerët e Kishave Ortodokse të bien dakord me axhendën dhe vendin ku do të zhvillohet ky sinod, i pari që nga viti 787 pas Krishtit.

Por, me gjithë këto përpjekje, 4 nga 14 kishat që përfaqësojnë më shumë se 300 milionë besimtarë ortodoksë në të gjithë botën, midis tyre edhe ajo e Rusisë, kanë refuzuar pjesëmarrjen, çfarë nxjerr në pah ndasitë e dikurshme, por edhe ato të sotmet. Midis të tjerash, mbështetja e Kishës së Ukrainës nga Patriarku Bartolomeu, që kritikohet nga Kisha ruse, dhe synimet për fronin e Patriarkanës Ekumenike të Stambollit.

“Gëzimin e kësaj ngjarjeje historike e minimizon vendimi i disa kishave simotra për të mos ardhur dhe për të mos marrë pjesë në këtë sinod të madh, e përgjegjësia për këtë bie mbi vet udhëheqësit e këtyre kishave”, tha Patriarku Bartolomeu.

Në sinod merr pjesë edhe delegacioni i Kishës Autoqefale Shqiptare, i kryesuar nga kryepeshkopi Anastas. Ai shoqërohet nga mitropolitët e Beratit, Korçës, Gjirokastrës, Apolonisë e Fierit, Elbasanit, Amantias dhe Episkopi i Bylisit, si dhe një grup shoqëruesish dhe ndihmësish.

Sinodi, që diskuton për një seri çështjesh, si misioni i Kishës Ortodokse në botën bashkëkohore dhe marrëdhëniet e saj me pjesën tjetër të botës së krishterë, diasporën ortodokse, autonominë e kishës etj, zhvillohet në një periudhë kur islamizmi fundamentalist ndodhet në kulmin e tij, ndërsa paralelisht, siç theksojnë disa prej krerëve të kishave, Turqia e Presidentit Erdogan ka sfiduar ortodoksët anembanë, duke dhënë leje për këndimin e Kuranit gjatë muajit të Ramazanit në Kishën muze të Shën Sofisë në Stamboll.

Sinodi do t’i mbyllë punimet të dielën e të gjithë shenjtorëve, më 26 qershor.

[youtube https://www.youtube.com/watch?v=Q6894y_HvZs?feature=oembed&w=640&h=360]

The post Kretë: Nis sinodi i kishave ortodokse, mes tyre edhe Shqipëria (Video) appeared first on Lajminet.

Comments
To Top