28,03,2024

Labinot Tahiri 90 mijë euro borxh ATK-së

Must Read

Këngëtari Labinot Tahiri, i cili vitet e fundit ka zhvilluar aktivitete të shumta humanitare, ia ka borxh shtetit plotë 90 mijë euro tatime për aktivitetet e tij si këngëtar.

Siç shkruan sot Gazeta Fjala, inspektorët e ATK-së e kanë vizituar Tahirin këtë muaj, si pjesë e një aksioni që Drejtoria e Hetimeve Tatimore dhe Inteligjencës në kuadër të ATK-së, ka marr nga janari ndaj këngëtarëve borxhlinj.

Këtë e ka konfirmuar vet këngëtari Tahiri, tashmë edhe kryetari i degës së AKR-së në Ferizaj.

“Nuk bëhet fjalë për gjobë. Janë në pyetje 90 mijë euro që ATK më ka thënë se i kam borxh për përiudhën 2010 e deri më tani”, ka thënë Tahiri për Gazetën Fjala, shkruan Insajderi.

Megjithatë ai ka shtuar se është ndër të vetmit këngëtar që është pagues i rregulltë i tatimeve për aktivitetet si këngëtar. Thotë se që nga viti 2005 paguan tatime, ndërkohë shuma prej 90 mijë euro është totali i borxhit që ia ka këtij institucioni.

Nga Administrata Tatimore e Kosovës nuk kanë pranuar të flasin për rastin konkret, e as për rastet tjera në estradë që po i trajton ATK.

Mirëpo në një komunikatë të mëhershme të këtij institucioni thuhet se Drejtoria e Hetimeve Tatimore dhe Inteligjencës, e cila funksionon në kuadër të ATK-së, nga muaji Janar deri më tani, ka zhvilluar aktivitete, aksione, asistime të ndryshme, të cilat kanë rezultuar mjaftë të suksesshme.

Sa i përket vetëm estradës, si rezultat i veprimeve para-hetimore që janë ndërmarrë me autorizim të prokurorit, ka deklarime shtesë në vlerë tatimore mbi 223 mijë euro pa ndëshkime dhe interesa. //Gazeta Fjala/

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img