Uncategorized

Deportohet nga Franca, dënohet në Shqipëri për kalim të kufirit


Publikuar më:


Gjykata, foto ilustrim

Në datë 18 shkurt 2016, Prokuroria e Rrethit Gjyqësor Tiranë ka regjistruar në ngarkim të pandehurit D.T. procedimin penal për veprën penale të “kalimit të paligjshëm të kufirit shtetëror ”. Në datën 21 janar 2016 i pandehuri është kthyer në Shqipëri i deportuar nga autoritetet policore franceze. Sipas vendimit, nga verifikimet e bëra rezulton se i pandehuri ishte debitor në shumën 50 mijë lekë, gjobë administrative, për kalim të paligjshëm të kufirit shtetëror.

Nga kontrolli i bërë në sistemin TIMS rezulton se D.T. nuk ka kaluar kufirin shtetëror nëpërmjet pikave të kalimit kufitar të Republikës së Shqipërisë në mënyrë të ligjshme. I pyetur gjatë hetimeve paraprake i pandehuri ka deklaruar se e ka kaluar kufirin shtetëror në mënyrë të paligjshme në afërsi të pikës kufitare të Morinës.

Në këtë mënyrë, gjykata vendosi të deklarojë fajtor të pandehurin D.T. për kryerjen e veprës penale të “kalimit të paligjshëm të kufirit shtetëror” dhe dënimin e tij me 60 mijë lekë gjobë. Ne zbatim të nenit 406 te K.Pr.Penale të pandehurit i ulet 1/3 e dënimit, duke u dënuar përfundimisht me 40 mijë lekë gjobë. Dënimi me gjobë duhet të paguhet nga i pandehuri brenda 1 viti nga dita që vendimi merr formë të prerë.

The post Deportohet nga Franca, dënohet në Shqipëri për kalim të kufirit appeared first on Lajminet.

Comments
To Top