Uncategorized

​Dyshimet për sigurinë e telefonave inteligjentë


Publikuar më:


Në Maqedoninë e ditëve të sotme, e cila vlon nga skandali i përgjimeve, të gjithë përdoruesit tentojnë të bisedojnë me aplikacionet të ndryshme, duke menduar se kanë privatësi me bashkëbiseduesin në anën tjetër.

Kur shkarkojmë aplikacione, qoftë edhe ato të bankave, ato për lojëra, e të tjera, kërkohet qasje edhe në të dhënat tona private, sikurse numrat e telefonit, fotografitë e vendndodhja.

Qytetarët shprehen me mendime të ndryshme sa i përket cenimit të privatësisë së tyre gjatë përdorimit të aplikacioneve.

“Varet se çfarë masash merr gjatë përdorimit të rrjeteve sociale, unë i përdori shpesh dhe e di se si funksionojnë ato. Ka disa etapa që duhet të aplikohen që të rritet siguria, por varet edhe nga vetëdija e njeriut se si e ka qasjen në rrjetet sociale”.

“Në fakt ditëve të sotme nuk mund të thuash se gjithçka private është e sigurt pasi i përdorim shumë aplikacione të ndryshme pa e ditur se sa cenohemi realisht nga to”.

Në anën tjetër, ekspertët e informatikës thonë se asgjë nuk është e sigurt në botën e sotme kompjuterike.

Pavarësisht se njerëzit kur duan të ndajnë informata të caktuara përdorin mesazhe të shkurtra, apo telefonata përmes aplikacioneve të tjera, përsëri dyshimi ekziston.

Ligji për mbrojtjen e të dhënave private thotë se : “Çdo qytetari i garantohet respektim dhe mbrojtje e privatësisë të jetës së tij personale dhe asaj familjare”.

Ky ligj ka qenë shpeshherë shënjestër e ndryshimeve sidomos pas skandalit të përgjimeve, ndërkohë që në Ministrinë e Brendshme, ka një sektor për krime kibernetike ku mund të denoncohet por jo edhe të gjendet zgjidhje.

 

The post ​Dyshimet për sigurinë e telefonave inteligjentë appeared first on Lajminet.

Comments
To Top