Bëhet fjalë për Adriana Parete, infermiere në një azil të moshuarish në Spoltore, në provincën e Pescaras, si dhe dy fëmijët e saj 6 dhe 8 vjeç. Por edhe për çiftin nga Castignano, Marco Vagnarelli dhe Paola Tomassini, që ishin për pushime në Farindola (Pescara). Të zhdukur janë edhe Luciano Caporale, 54 vjeç, dhe bashkëshortja e tij Silvana Angelucci, 46 vjeç, që të dy parukierë nga Caster Frentano (Chieti). Dyshja duhej të ishte nisur një ditë më parë, por përkeqësimi i motit bëri që të qëndronin në hotele edhe një ditë më shumë. Një tjetër familje fatkeqë prej 3 anëtarësh është ajo nga Osimo; Domenico Di Michelangelo, 41 vjeç, polic në detyrë, gruaja e tij Marina Serraiocco, 37 vjeç, si dhe fëmija i tyre 6-vjeçar.
Mes viktimave të tjerë të dyshuar, janë edhe Alessandro Ricceti, 33 vjeç; Stefano Feniello 27 vjeç dhe Francesca Bronzi, dy të fejuar nga Salernitano; Emanuele Bonifazi, 31 vjeç, i punësuar në hotel; Marco Tanda dhe Jessica Tinari, rezidentë në Macerata, i pari 25 vjeç dhe e dyta e fejuara e tij; Ilaria Di Biase, 22-vjeçare nga Val di Sangro e Archit (Chieti), e cila prej 3 vitesh punonte si kuzhiniere; Cecilia Martella nga Atri, estestiste dhe masazhatore në të njëjtin hotel, por edhe 4 të rinj të tjerë: të fejuarit Giorgia Galassi dhe Vincenzo Forti, si dhe bashkëshortët Claudia Baldini e Sara.
Ndër të fundit prej të cilëve s’ka ende informacion, janë Luana Biferi nga Bisenti, e punësuar gjithashtu në resortin turistik, por edhe Giampaolo Matrone dhe Valentina Cicioni, i pari pastiçier nga Monterotondo dhe e dyta infermiere nga Roma. Këta të dy, prindër të një vajze 5-vjeçare, të cilën për fat të mirë e kanë lënë te gjyshërit.
