Kjo gjë i ka habitur banorët e kësaj ane përderisa ata e kanë akuzuar BDI-in për problemet e që i shkaktoi shqiptarëve me 40 mijë votues të dyshimtë ku shumica janë shqiptarë.
Në listën e votuesve të dyshimtë në ëeb faqen e KSHZ-së, është edhe profesori nga Tetova Arsim Sinani i cili ka akuzuar BDI-in për këto probleme.
Sinani në një prononcim për zeri.info ka thënë se ky gjest është hakmarrje ndaj tij pasi që qëndrimi i tij është i kundërt ndaj pushtetit.
“Është një hakmarrje e pushtetit ndaj qëndrimit tim ndaj tyre. Nuk mërzitem se gjenden në mesin e 40 mijë shqiptarëve po më vjen keq që 40 mijë shqiptar do maltretohen për një të drejtë qytetare që e kanë dhe ia humbin zyrtarët e korruptuar dhe komprometuar shqiptar. E flm publikisht Ali Ahmetin dhe Menduh Thaçin për veprimet e tyre të rradhës”, ka thënë Sinani
Si rasti i Sinanit ka me dhjetëra në Maqedoni të cilët padrejtësisht po futën në listën e votuesve të dyshimtë.
Qytetarët të cilët gjenden në listën e votuesve të dyshimtë, do të duhet të paraqiten në njësitet rajonale të KSHZ-së dhe në zyrat e Drejtorisë për libra amë deri më 16 gusht për konfirmuar të drejtën e tyre të votës.
.
