Të gjithë artistët kanë planet e tyre në kokë të cilat i ëndërrojnë dhe padiskutim punojnë çdo ditë që në të ardhmen t’i realizojnë. Mirëpo jo gjithmonë këto dëshira i tregojnë “me zë të lartë”, disa herë për të ruajtur autenticietin dhe herë të tjera për të mos shtuar pritshmëritë tek fansat përpara se t’ia dalin.
Megjithatë Fifi, sportive dhe gjithnjë e drejtpërdrejtë e ka shprehur hapur një dëshirë lidhur me karrierën e saj teksa ka qenë e ftuar në puntatën e parë të sezonit të ri të “Shiko kush Luan” pasi prej një incidenti nuk mundi të ishte këngëtarja në hapjen e emisionit.
“Dëshira ime e madhe është që të bëj një musical shoqeruar edhe me balerinë” – është shprehur Fifi.
Duke marrë parasysh se ajo e shijon live-in, skenën dhe gjithashtu performancën besojmë se nuk do të jetë i largët momenti kur ta realizojë këtë dëshirë të bukur të sajën.
