Të shtunën në fshatin Talinovc të Jerlive është bërë asfaltimi i rrugës.
Ky projekt është vlerësuar tejet lartë nga banorët e kësaj pjesë, duke theksuar se me këtë projekt dukshëm është përmirësuar edhe qarkullimi i tyre për në qytet. Ata thanë se rruga është ndërtuar me standarde të larta dhe e kanë mirëpritur tejet mirë realizimin e këtij projekti madhor për ta.
Nga afër punimet në asfaltimin e kësaj rruge i ka përcjellë edhe drejtori i infrastrukturës, Gafurr Ilazi. Ai tha se kjo rrugë ka rëndësi të madhe për banorët e fshatit Talinovc të Jerlive.
“Gjatësia e rrugës është rreth 400 metra dhe me gjerësi prej 6 metrash, ndërsa asfaltimi i kësaj rruge përfshihet me projektin e fazës së dytë të rrugës “Driton Islami”. Asfaltimi i kësaj rrugë banorëve të lagjes Talinovc i Jerlive ju krijon qasje të lehtë në rrugën “Driton Islami”.
Asfaltimi i kësaj rruge u bë nga Ministria e Infrastrukturës dhe ka një kosto prej 120 mijë euro.
