Ai e kupton rastësisht që ka fituar 20 milionë euro

Për rreth një vit ai nuk e dinte që kishte fituar 20 milionë euro 5 – 12 – 13 – 22 – 25 – 35: Këto ishin shifrat e sakta për të fituar Jackpot-in prej 24,1 milionë dollarë ( rreth 20 milionë euro) me datën 25 maj në lloftarin „New York Lottery“. Dhe po, më të vërtetë dikush i kishte qëlluar këto shifra. Por, askush nuk ka shkuar për të tërhequr çmimin e fituar, deri në momentin kur gati ishte shumë vonë, shkruan rtv21.tv Sepse 64-vjeçari Jimmie Smith nga New Jersey ka qëlluar të gjashtë shifrat pa e ditur se është fitues. Në tetor Lottaria njoftoi përmes TV se është në kërkim të fituesit të muajit maj. Dhe vetëm pasi Smith pa këtë apel, ai i hyri të rishikojë gjërat e tij të vjetra, në kërkim të kuponit të lottarisë, të cilin kishte kohë që nuk e kishte kërkuar dhe pothuajse kishte harruar se ka aplikuar. “Unë kisha shumë kuponë të llotarisë në shtëpi, dhe po më të vërtetë e kisha pasur edhe atë për të cilin flitej në TV. Shikova disa minuta mbi shifrat dhe mendoja: “A po shoh mirë?! Unë duhet të vrapoj marr ajr të pastër. Gjithmonë kam pritur në lotaritë që kam luajtur por, çuditërisht këtë e kisha harruar fare” tha ai. Ai në fakt fitoi një thesar, fal një kuponi të lotarisë të cilën e kishte plotësuar para një viti dhe po e ruante në një xhep të një setre. Gjyshi i 12 nipave tani dëshiron të mendojë në qetësi se si dëshiron t’i shpenzojë këto para. “Kur të kthjellemi të gjithë atëherë ulemi bashkë dhe bëjmë plane” tha ai. Shuma e fituar do të ndahet si një lloj pensioni në 26 vjet e ardhshme do të derdhet në llogarinë e tij./21Media