29,03,2024

Situata në Maqedoni përbën shqetësim të madh për BE-në

Must Read
Image processed by CodeCarvings Piczard ### FREE Community Edition ### on 2015-02-26 12:39:12Z | http://piczard.com | http://codecarvings.comۇ

Madje, situata në Maqedoni, sipas zëdhënëses së Komisionit Evropian, Maja Kocijançiç, vazhdon të përbëjë shqetësim të madh për Brukselin.

Unioni, i cili ka mbetur pa opsione për të ndërhyrë në zgjidhjen e krizës, në dorë ka vetëm vendosjen e sanksioneve ndaj vendit.

“Situata mbetet ende shumë shqetësuese për ne. Ne mbetemi në dispozicion, por siç e përsëritëm disa herë tashmë përgjegjësia për zgjidhjen e krizës politike në vend është në duart e liderëve politik. Ne nënvizuam shqetësimet tona dhe gjithashtu në deklaratën e një jave më parë theksuam se jemi të detyruar të konsiderojmë veprime të mëtejshme me qëllim që të plotësohen kërkesat e parashtruara nga Këshilli, Komisioni dhe Parlamenti. Megjithatë siç thash më herët unë nuk do të spekulojë rreth tyre”, tha Kocijançiq, raporton Alsat-M.

Përveç masave të reja ndaj vendit, gjithnjë e më të zëshme bëhen kërcënimet e Brukselit për pezullimin e rekomandimit për çeljen e negociatave me Maqedoninë si dhe futjen në listën e zezë të Shengenit të politikanëve të pushtetit.

Komisioneri evropian Johanes Han, pak kohë më parë theksoi se nëse vendi organizon zgjedhje jo të besueshme, qeveria e re nuk do të njihet ndërkombëtarisht. Ndërkaq, për të vlerësuar klimën politike dhe atë parazgjedhore në Shkup qëndron edhe një delegacion i Asamblesë Parlamentare të Këshillit të Evropës. Vlerësimi i tyre do të shpaloset pas përfundimit të takimeve me kryetarin e Parlamentit, ministrin e brendshëm, partitë politike, Komisionin Shtetëror Zgjedhor, si dhe me Prokurorinë Speciale./lajmi.net.

The post Situata në Maqedoni përbën shqetësim të madh për BE-në appeared first on Lajminet.

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img