29,03,2024

Nis Asambleja e NATO-s në Tiranë

Must Read
Shqipëria dhe NATO

Në Pallatin e Kongreseve nisi punimet Asambleja Parlamentare e NATO-s, e para e këtij lloji që zhvillohet në vendin tonë.

Fjalën e hapjes, ministri i Jashtëm, Ditmir Bushati, në rolin e mikpritësit zgjodhi që ta mbajë në shqip.

Ai vuri theksin tek sfidat kryesore të NATO-s, që nga siguria në vendet Lindore, terrorizmi dhe kriza e refugjatëve. Për t’iu përgjigjur më mirë këtyre sfidave, tha Bushati, jo vetëm që NATO duhet të vendosë plotësisht në zbatim vendimet e marra në samitin e Uellsit, por duhet të shkojë më tej në samitin e radhës që mbahet në Varshavë,

“NATO duhet të forcojë edhe më tej praninë dhe aftësitë mbrojtëse në skajin Lindorë dhe të rrisë praninë edhe në Detin Mesdhe”, tha ai.

Sa i takon terrorizmit, kryediplomati shqiptar u shpreh se sulmet e fundit në BE dëshmojnë se ka një ndërlidhje më të fortë mes sigurisë kombëtare dhe asaj ndërkombëtare.

“Për t’iu përgjigjur kësaj, është vendosur që të hapet në shqipëri një Qendër Ekselence Kundë Radikalizimit sepse rreziqet nuk luftohen vetëm në rrugët luftarake dhe DAESH (ISIS) është një kërcënim”, shtoi ai.

Bushati kërkoi forcimin mes NATO-s dhe BE-së, sidomos për krizën e refugjatëve, ndërsa me rëndësi vlerësoi edhe anëtarësimin e Malit të Zi për të shmangur ndikimin rus në rajon.

“Anëtarësimi është me rëndësi jo vetëm për Aleancën dhe rajonin, por për mbarë kontinetin dhe stabilitetin sepse jo vetëm redukton zonat gri të sigurisë në rajon, por dhe ul ndikimin e aktorëve të tretë në rajon”, u shpreh ai./ Top Channel

The post Nis Asambleja e NATO-s në Tiranë appeared first on Lajminet.

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img