29,03,2024

Lista e personave të falur nga presidenti Ivanov

Must Read
Gjorge Ivanov

Në mesin e tyre, pjesa më e madhe janë nga VMRO-DPMNE-ja qeveritare edhe atë nga kreu më i lartë i partisë, përgjithësisht, janë falur dy ish kryeministra, kryetari i Kuvendit, tre ministra, liderë të partive, prokurorë, drejtorë, kryetarë komunash, si dhe dy shtetas të huaj.

Rekordin e mban ish ministri i Transportit dhe Lidhjeve Mile Janakievski i cili është falur gjithsej 16 herë, gjegjësisht në 16 raste ku ai paraqitet si i dyshuar për vepra të ndryshme penale, pas tij është ish ministrja e brendshme Gordana Jankullovska e cila është falur 11 herë, ish drejtori i DSK-së Sasho Mijalkov është falur për gjashtë vepra, ndërsa ish kryeministri dhe kreu aktual i VMRO-DPMNE-së Nikolla Gruevski 5 herë.

Me vendimin e presidentit Ivanov, ndjekja penale është ndërprerë edhe për shefin e kabinetit të Gruevskit, Martin Protugjer i cili është falur 5 herë ndërsa në listë u gjetën edhe sekretari i përgjithshëm i qeverisë Kirill Bozhinovski i cili është falur 4 herë, ndërsa kryeshefi i Drejtorisë së 5 në MPB Goran Gruevski është falur për tre vepra.

Të falurit nga radhët e VMRO-DPMNE-së:

Mile Janakievski – 16 herë

Gordana Jankullovska – 11 herë

Sasho Mijallkov – 6 herë

Nikolla Gruevski – 5 herë

Martin Protugjer – 5 herë

Nga dy herë janë falur ish drejtori i Byrosë për Siguri Publike Lupço Todorovski, Lideri i LSDM-së Zoran Zaev, si dhe ish drejtori i kundër zbulimit, Zoran Verushevski. Është falur edhe ish kryeministri dhe ish presidenti Branko Crvenkovski.

Të falur nga opozita:

Zoran Zaev – 2 herë

Zoran Verushevski – 2 herë

Branko Crvenkovski – 1 herë

Në mesin e të përzgjedhurve të Ivanov janë edhe kryetari i Kuvendit Trajko Veljanovski, lideri i PDSH-së Menduh Thaçi, anëtari aktual i KSHZ-së Bedredin Ibraimi dhe ish zv/ drejtori i Drejtorisë për të ardhura publike (DAP) Ismet Guri.

Shqiptarë të falur:

Menduh Thaçi

Bedredin Ibraimi

Ismet Guri

Mitush Shabani

Kryetari i Shkupit Koce Trajanovski, kryetarja e Këshillit të qytetit të Shkupit Irena MIsheva, ish kryetari i Qendrës Vlladimir Todoroviq, kryetari i Pustecit Edmont Temellko, bashkëshorti i Radmila Shaqerinskës, Bozhidar Jankovski, drejtori aktual i burgut të Idrizovës Zhivko Pejkovski si dhe shefi i sigurimit të ish kryeministrit Gruevski Dejan MItrovski – Urko.

Kryetarë të komunave të falur:

Koce Trajanovski

Vladimit Todoroviq

Edmont Temellko

Vladimir Talevski

Është falur edhe drejtori i T Mobile Zharko Llukovski si dhe Vlladisllav Stajkoviq, Kosta Krpaç dhe Kristian Panev që janë pronarë ose udhëheqës të mediave dhe që kanë qenë lëndë hetimi të Prokurorisë Speciale. Në grupin e të falurve janë përmendur edhe prokuroret e Prokurorisë Speciale, Fatime Fetai, Lile Stefanova dhe Gavrill Bubevski.

Në listë gjendet edhe shtetasi Izraelit Haim Hakiani i cili ishte pjesë e bombave të LSDM-së në bisedën ku kontraktohej provizioni gjatë blerjes së pajisjes për përgjim. Në listën e të falurve, edhe pse pritej nuk gjendet Lube Boshkovski. Janë falur të dyshuarit për mënyrën e arrestimit të tij për çka Prokuroria Speciale hapi lëndë me emrin “Tortura”, por nuk është falur viktima në këtë rast.

The post Lista e personave të falur nga presidenti Ivanov appeared first on Lajminet.

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img