Kushtet e kredisë përfshijnë pagesën e saj në 23 këste për çdo gjashtë muaj, që duhet të fillojnë të shlyhen katër vite e gjysmë pas inaugurimit dhe pranimit teknik të fabrikës, me një interes prej 1.1 për qind.
Kryetari i Komunës së Ferizajt, Muharrem Svarqa, i shoqëruar nga përfaqësues të kompanisë austriake “Strabag AG”, njoftoi sot për konfirmimin e Bankës austriake të kontrollit për dhënien e një kredie prej mbi 5 milionë eurosh, e cila do të përdoret për ndërtimin e një fabrike të përpunimit të ujit afër Talinocit të Muhaxherëve. Zbatuese e projektit do të jetë kompania “Strabag AG” nga Viena, e cila merret me teknologjinë e ujërave.
Kryetari Svarqa u shpreh i kënaqur me kushtet e kredisë së quajtur “soft loan”, e cila pritet të sigurohet sipas një marrëveshjeje të nënshkruar nga Ministria e Financave. Ato përfshijnë pagersën e saj në 23 këste për çdo gjashtë muaj, që duhet të fillojnë të shlyhen katër vite e gjysmë pas inaugurimit dhe pranimit teknik të fabrikës, me një interes prej 1.1 për qind.
“Kjo është një normë e përshtatshme dhe jam i gëzuar për realizimin e këtij projekti. Ne kemi bërë hulumtime për burimet e ujit dhe në bazë të tyre besojmë se do të gjejmë sasinë prej 80 litrash në sekondë, për të mundësuar furnizimin me ujët të fshatrave në pjesën lindore të Ferizajt”, tha kryetari Svarqa.
Ai theksoi ka ka këmbëngulur që kryes të punimeve për zbatimin e projektit të jenë kompanitë kosovare, për të mundësuar më shumë vende pune për popullatën dhe fitime për kompanitë vendëse.
Kryetari i Ferizajt ka falënderuar kryeministrin Mustafa dhe ministrin e financave Abdullah Hoti për shtyrjen dhe mbështetjen e këtij projekti shumë të rëndësishëm për banorët e komunës së Ferizajt dhe ka bërë të diturse në procedurë të shqyrtimit për miratim janë edhe projekte të tjera që lidhen me trajtimin e ujërave të zeza dhe me ujësjellësin për fshatrat Sojevë, Zllatar e Dardani.
