Lajme

Fabrika “Apetit” në Milloshevë shet pulën e Ukrainës së vitit 1982!


Publikuar më:


Një pulë me prejardhje nga Ukraina e që kishte për datë prodhimi vitin 1982 ka vënë në lëvizje Agjencinë e Ushqimit dhe Veterinës së Kosovës.

Një sasi prej 100 kilogramësh e mishit është konfiskuar në fabrikën “Apetit” në Milloshevë, derisa AVUK-u do të kërkojë edhe një sasi tjetër nëpër markete, transmeton Koha.net.

“Produkti ka pasur tjetër vend origjine dhe një certifikatë tjetër. Edhe afati i prodhimit dhe skadimit nuk ka qenë në rregull”, ka thënë Lamir Thaçi zëdhënës i AVUK-ut.

Të hënën e 4 korrikut Koha.net ka raportuar se një pulë e konservuar, që për datë të prodhimit ka ditën e katërt të prillit të vitit 1982 në Ukrainë është parë në një supermarket të kryeqytetit.

Një lexues i portalit Koha.net, kishte dërguar një mori fotografish me të cilat argumentohet se pula ka qenë në shitje një natë para festës së Fitër Bajramit.

Me përshkrimin e ambalazhit të pulës është shkruar se ajo mund të konsumohet deri më 5 maj 2016. Sërish i bien që ajo është pa afat.

ukraina

Comments
To Top