28,03,2024

Ekspertë të EULEX-it, në Tiranë për hetimin e krimeve me eksplozivë

Must Read
Çako - Hoffman

Thelbi i takimit ishte rritja e bashkëpunimit mes palëve, ndërkohë që zv/shefi Misionit EULEX, Hoffman vuri në dukje nevojën e hetimeve afatgjatë.

“Për këtë prioritet do të dërgojmë ekspertë që do të ndihmojnë në hetimin e ngjarjeve kriminale në fushën e vendosjes së eksplozivëve”, tha Hoffman.

Ai theksoi gjithashtu edhe gatishmërinë e misionit EULEX në drejtim të shkëmbimit të informacioneve të rëndësishme për hetimin e veprave të ndryshme kriminale të kryera nga grupe që mund të veprojnë në të dy vendet, si dhe krijimin e lehtësirave për organizimin e takimeve rajonale me Shefat e Policive të vendeve të rajonit me qëllim koordinimin e veprimeve të luftës ndaj krimit.

Drejtori i Policisë së Shtetit, Haki Çako vlerësoi ndihmën e ofruar nga Hoffman, duke theksuar rëndësinë e takimeve të tilla si dhe e siguroi se Policia e Shtetit do të jetë një nga partne rët kryesorë në luftën ndaj krimit. Po kështu, do të jetë e hapur ndaj çdo lloj bashkëpunimi me qëllim rritjen e sigurisë në rajon. “Lufta kundër terrorizmit është prioritet dhe bashkëpunimi me partnerët është i domosdoshëm”, tha Çako.

Ky takim ishte në vazhdën e takimeve të kryera nga Hoffman me drejtues të Policive të rajonit, me qëllim vendosjen e kontakteve dhe rritjen e bashkëpunimit. Gjatë këtij takimi, nga të dyja palët u theksua bashkëpunimi i deritanishëm në luftën ndaj krimit të organizuar, terrorizmit e radikalizmit, kontrollit të kufijve si dhe në drejtim të shkëmbimit të informacioneve apo hetimeve të përbashkëta.

The post Ekspertë të EULEX-it, në Tiranë për hetimin e krimeve me eksplozivë appeared first on Lajminet.

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img