28,03,2024

Edukatoret pranojnë dhunën e Anjezës ndaj fëmijës: Kishim frikë të denonconim, pushoheshim nga puna

Must Read

Anjeza Shabani, administratorja e kopshtit pa licencë që dhunoi fëmijën 3 vjeç pranon krimin.

Me lot në sy, ajo ka pranuar se e kishte dhunuar fëmijën 3 vjeç, por ka qenë rasti i vetëm. Mësohet se Shabani ka shfajësuar vetën, me argumentin se goditja e fëmijës ka qenë në një moment nervozizmi, por që asnjëherë tjetër nuk ka dhunuar ndonjë fëmijë.

Ajo ka pretenduar se në pamjet filmike bruto, ka edhe moment kur fëmija përqafohet dhe i dhurohet dashuri dhe nuk është ajo sjella e përditshme. Por pavarësisht këtyre pretendimeve, policia dhe prokuroria ka ngritur dyshime se pamjet e shfaqura nuk janë të vetmet në këtë kopsht.

Pasi edhe prindër të tjerë kanë pretenduar se fëmijët ju dhunoheshin herë pas here. Nga ana tjetër, janë marrë në pyetje edhe edukatorët e këtij kopshti, të cilët kanë pranuar dhunën e administratores. Ende nuk është vendosur, se çfarë qëndrimi do të mbahet për edukatoret e këtij kopshti, të cilët kanë parë dhunën e shefes së tyre dhe nuk e kanë denoncuar.

Të pyetur për këtë fakt, ata janë shprehur se kishin frikë të denonconin pasi do largoheshin nga puna. Veç administratores dhe edukatoreve të kopshtit, policia ka marrë në pyetje edhe prindërit e fëmijës 3 vjeç, të cilët kanë treguar dhunën fizike që administratorja ushtronte ndaj fëmijës së tyre.

Për këtë dhunë, mësohet se policia i ka vënë në dispozicion një vendim ekspertimi prindërve të fëmijës 3 vjeç, duke i kërkuar ta dërgonin pranë Mjekësisë Ligjore për të kryer ekzaminimin e dëmtimeve në trupin e fëmijës së vogël.

Përgjigja e këtij ekspertimi, mësohet se do të përdoret nga prokurorët për ti kërkuar gjykatës caktimin e masës së sigurisë “arrest me burg” për administratoren e kopshtit Anjeza Shabani. Për llogari të këtij hetimi, mësohet se prokurorët kanë urdhëruar sekuestrimin e pamjeve bruto të filmuara nga kamerat e emisionit investigative “STOP” në TV KLAN, pamje të cilat do të administrohen me cilësinë e provës materiale.

Sipas këtyre pamjeve, të transmetuara në emisionin e mbrëmjes së hënë, shfaqet administratorja e kopshtit Shabani duke dhunuar fëmijën 3 vjeç. Mbi Shabanin rëndojnë dy akuza për momentin, ajo e Shpërdorimit të detyrës dhe keqtrajtimit të të miturve që rrezikon një dënim deri në 7 vjet burg. Ndërkohë në ditët në vazhdim, pritet edhe ngritja e akuzave të tjera pasi kopshti funksiononte pa dokumentacionin përkatës. Abc news

The post Edukatoret pranojnë dhunën e Anjezës ndaj fëmijës: Kishim frikë të denonconim, pushoheshim nga puna appeared first on Lajminet.

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img