28,03,2024

Beograd: Shoqëria civile përkujton gjenocidin në Srebrenicë, nacionalistët kundërshtojnë

Must Read
Beograd

Organizimi, i cili u zhvillua pranë ndërtesës së Parlamentit të Serbisë, u përkrah nga disa organizata përfshirë Nismën Rinore për të Drejtat e Njeriut, Qendrën për Studime Euro-Atlantike, shkruan B92, transmeton lajmi.net

Ata ndezën 8372 qirinj përballë Parlamentit duke shënuar kështu simbolikisht numrin e viktimave në Srebrenicë.

Beograd

Ndërkaq, derisa shteti i Serbisë e mohon gjenocidin, ata vendosen edhe pankarta me mbishkrimet: “Ne kurrë nuk do ta harrojmë gjenocidin në Srebrenicë”, “Numrat janë të rëndësishëm, nëse ata janë njerëz të rëndësishëm – 8372”, “Shumë të rinj për të kujtuar, të detyruar për të mos harruar kurrë”.

“Kjo fushatë ka për qëllim shënimin e 21-vjetorit të gjenocidit në Srebrenicë, pasi vitin e kaluar një gjë e tillë na ishte ndaluar”, ka deklaruar Anita Mitic, njëra nga përfaqësueset e shoqëricë civile.

“Është shumë e rëndësishme të përkujtohet Srebrenica, derisa Qeveria e Beogradit përsërit një cirk politik për çdo vit”, ka shtuar Mitic.

Organizimi u ndoq edhe nga shkrimtarja Biljana Srbljanovic dhe deputetja Maja Videnovic nga Partia Demokratike.

Për këtë organizim ka reaguar kryetari i Shoqatës së ashtuquajtur, Familjarëve të kidnapuar në Kosovë, Simo Spasiq. Një grup i ultra nacionalistëve serb u mblodhën përballë shoqërisë civile ku po mbanin tubimin për përkujtimin e Srebrenicës, duke mbajtur në duar fotografinë e kasapit të Ballkanit, Sllobodan Millosheviq.

“Serbët kanë qenë viktima të gjenocidit”, thuhej në një nga pankartat e tyre, ndërsa është parë edhe flamuri i Rusisë.

Ngjarja ishte siguruar nga policia dhe nuk është raportuar për ndonjë incident. /lajmi.net

Beogard 1

.

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img