29,03,2024

Asambleja e PS-së, Rama: Kemi hyrë në një proces demokratik

Must Read
Edi Rama në kongesin e PS-së, Arkiv

“Vijmë sot në këtë asamble pas një kongresi që i hapi rrugë një referendumi për herë të parë në historinë e partisë sonë por edhe në jetën politike të partive në Shqipëri. Referendumi ishte një mjet i shkëlqyer demokratik, me një pjesëmarrje inkurajuese dhe motivuese. Ajo çka ka ndodhur në këtë periudhë të fundit është një motivacion jashtëzakonisht i fuqishëm për të ecur me vendosmëri përpara”, tha kryetari i Partisë Socialiste.

Sipas Ramës, nuk është diçka që ndodh rëndom, që një parti që qeveris, partia kryesore e koalicionit, e cila prej 2 vitesh udhëheq një proces reformash, të nisë anëtarësimet e reja dhe të ketë një mbështetje kaq të madhe dhe kaq domethënëse në formën e dëshirës për të qenë pjesë e saj dhe të vullnetit për t’u anëtarësuar në radhët e saj.

“Procesi i anëtarësimeve nuk ka mbaruar, me zgjedhjet e reja do intensifikohet”, tha kryeministri.

Ai ka nënvizuar se plani për ripërtëritjen rrënjësore të forumit rinor socialist ka tërhequr mbi 4 mijë të rinj e të reja, ndërsa ka bërë thirrje për më shumë angazhim për përfshirjen e emigrantëve në vendimmarrje.

“Në 25-vjetorin e PS-së duhet të bëjmë edhe një reflektim në retrospektivë, për të parë arritjet dhe dështimet”, ka vijuar Rama.

Në fund të fjalës së tij, shefi i qeverisë ka thënë se, në këto 3 vjet qeverisje është realizuar një numër rekord reformash. “Kemi bërë më shumë reforma se asnjëherë më parë, në një kohë të shkurtër. Reformën territoriale-administrative, reformën fiskale, e të tjera”, ka thënë kryetari i PS-së.

“Jemi partia që kemi çliruar nga barra e taksave 97 për qind të shqiptarëve. Sot planifikojmë një rritje ekonomike 3.4 për qind, por mjafton të jemi mbi treshin”, ka shtuar shefi i qeverisë, për ta vënë theksin më tej edhe tek reforma në arsim e ajo në shëndetësi.

The post Asambleja e PS-së, Rama: Kemi hyrë në një proces demokratik appeared first on Lajminet.

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img