Ata që nuk reaguan për vrasjen e katërvjeçarit shqiptar Almir Aliut në Kumanovë, dy liderët e partive më të mëdha shqiptare, BDI dhe PDSH, Ali Ahmeti dhe Menduh Thaçi, i kanë uruar të martën shqiptarët për festën e Bajramit përmes rrjetit social “Facebook” – faqeve të tyre zyrtare. Por asnjëri dhe as tjetri, si Thaçi ashtu dhe Ahmeti nuk kanë dhënë asnjë deklaratë rreth vrasjes së katërvjeçarit.
Madje, këtë nuk e kanë bërë as në rrjetet sociale. Por, vdekja e vogëlushit ka tronditur gjithë shqiptarët, të cilët kanë kërkuar dhe po kërkojnë drejtësi. Reagimet kanë ardhur vetëm nga parti të tjera në Maqedoni dhe nga shoqëria civile e analistë të të gjitha trojeve.
Partia për Prosperitet Demokratik ka reaguar duke e quajtur vdekjen e vogëlushit të pafajshëm kumanovar viktimë e skizofrenisë dhe shovinizmit të një bashkëqytetari maqedonas. “PPD-ja konsideron se akte të tilla nuk duhet toleruar sepse ato sjellin acarimin e klimës së përgjithshme në marrëdhëniet ndëretnike”, thuhet në reagim.
.
