Deklaratat e Shkëlzen Gashit, këshilltar politik i kryeministrit në detyrë Albin Kurtit, se UÇK-ja ka bërë krime, kanë ngjallur reagime të shumta.
Një grup qytetarësh kanë thirrur një protestë për të dielën në ora 21:00 ku kanë ftuar të gjithë qytetarët që në ballkonet e tyre të lëshojnë “Marshin e UÇK-së”, duke shprehur indinjatën përkitazi me deklaratat e Gashit.
Edhe në Ferizaj shumë qytetarë i janë përgjigjur këtij apeli duke lëshuar ora 21:00 “Marshin e UÇK-së” nga banesat dhe shtëpitë.
Këtij apeli i janë përgjigjur edhe në fshatra , ku në disa banor janë grumbulluar rreth shtatoreve të Dëshmorëve të UÇK-së dhe kanë lëshuar këngën të përcjellë edhe më flamuj.
Kështu i janë përgjigjur kësaj edhe banorët e fshatit Talinoc të Ferizajt.
