73 emigrantë ilegalë janë zbuluar nga Policia e Maqedonisë, gjatë një kontrolli rutinor të kryer mëngjesin e sotëm pranë kufirit të Maqedonisë me Serbinë.
Mësohet se klandestinët ishin me kombësi nga Siria, Afganistani, Bangladeshi dhe Pakistanit, raporton AP nga Shkupi. Policia maqedonase bën me dije se shumica e emigrantëve ishin gra dhe fëmijë.
Në pranga ka rënë shoferi i kamionit, një shtetas 35-vjeçar nga Maqedonia. Ky i fundit kishte kërkuar para nga klandestinët për t’i transportuar në anën tjetër të kufirit.
Maqedonia është destinacioni i parë i emigrantëve, të cilët e shohin shtetin fqinj si një portë hyrëse për në “tokën e premtuar”, që janë vendet e Evropës Perëndimore.
