Liberali Çedomir Javonoviq ka thënë se deklarata e presidentit serb, Tomislav Nikoliq është e papërgjegjshme dhe sjell destabilitet në jetën politik në Serbi.
Nikoliq tha sot në Rusi se Serbia është e gatshme t’i përgjigjet Kosovës në çfarëdo mënyre dhe me çfarëdo mjete, transmeton lajmi.net raportimet e mediave serbe.
“Deklarata e Tomislav Nikoliqit është e papërgjegjshme dhe dëshmon se ai sjell destabilitet në jetën politike të Serbisë”, ka thënë Jovanoviq.
Ai ka thënë se interesi më i madh i Serbisë është paqja, e jo nxitja e dhunës.
“Këto tema krijojnë konflikte dhe keqkuptime dhe Nikoliq vetëm sa po e ndihmon destabilizimin me këto deklarata të ulëta”, ka thënë Jovanoviq. /Lajmi.net/
.
