Lajme

Ymeri: Siria tregon sa e rrezikshme është bota kur udhëhiqet nga interesi për dominim


Publikuar më:


Visar Ymeri

Ymeri me anë të një postimi në facebook ku ka shprehur solidarizimin me civilët e pafajshëm, ka thënë se asnjë interes apo influencë nuk e arsyeton atë çfarë po ndodh.

“Ngjarjet e fundit në Halep kanë tronditur ndërgjegjen e njerëzve anembanë botës. Qindramijëra fëmijë e pleq të vrarë barbarisht, shtëpi e spitale të shkatërruara, persekutime, masakra e spastrime, janë këto pasojat e një lufte që nuk po kryhet tash e gjashtë vjet. Asnjë interes ekonomik, kurrfarë influence gjeopolitike nuk e arsyeton këtë batërdi. Njerëzit atje po përballen me krime kundër njerëzimit, këto krime janë të dënueshme dhe duhen dënuar”, ka shkruar Ymeri.

Ai ka thënë se Siria është shembulli që tregon se sa e rrezikshme është bota kur raportet ndërkombëtare udhëhiqen nga interesa vetjake.

“Siria është shembulli më ilustrues që na tregon se sa e rrezikshme bëhet bota kur marrëdhëniet ndërkombëtare udhëhiqen nga pragmatizmi- nga interesi vetjak për dominim. Në Siri tash e sa kohë po e pëson një popull i tërë, po i cenohet e shkatërrohet hapësira, po i pamundësohet jetesa e shkatërrohet e ardhmja. Është desovranizuar për t’iu kontrolluar territori e resurset, e kështu po i cenohet liria e mirëqenia. Një paqe e përhershme është e mundur vetëm nëse zhduken shkaqet e luftës”, ka shkruar Ymeri./Lajmi.net/

 

.

Comments
To Top