Pas vrojtimit të terrenit, gjegjësisht të disa pjesëve të qytetit të Ferizaj, në shumë rrugë e qoshe janë vërejtur shumë mbeturina të cilat ishin hedhur pasi ishin bartur ato në orarin e caktuar. Përveç mos respektimit të orarit, qytetarët hedhin mbeturina edhe në vendet publike, madje në disa raste edhe përkundër kontejnerëve të zbrazur, mbeturinat hedhen jashtë tyre, krejt në afërsi.
“Ekipet e KRM “Pastë
rtia”, janë duke e kryer punën e tyre në terren gjatë ditës dhe natës, por qyteti vazhdon të kundërmojë dhe të jetë i papastër, krejt kjo për faj të disa qytetarëve të cilët janë të papërgjegjshëm në pagesa dhe të pandërgjegjshëm për të respektuar së paku vendin e caktuar ku hedhen mbeturinat. Kompania Rajonale e Mbeturinave “Pastërtia”, apelon tek qytetarët që të shlyejnë borxhet për shërbimet që ajo I kryen, si dhe të mos kërcënojnë inkasantët të cilët vetëm kryejnë detyrën e tyre. Në disa raste përveç sulmeve verbale, qytetarët që kanë borxhe të cilëve u hiqet bërlloku para dere, kërcënojnë inkasantët dhe nuk duan të japin llogari. Prandaj “pastërtia”, është e detyruar që në disa vende, klientëve të papërgjegjshëm edhe të mos ua marre mbeturinat” thuhet në komunikatën e KRM-së
Në anën tjetër inspektori i ambientit Besim Uruqi i tha Ferizajpress-it se tani më kanë të përgatitur infrastrukturën ligjore dhe për të gjithë ata që hedhin mbeturina në vendet që nuk është e paraparë dhe jashtë orarit të grumbullimit të tyre do të fillojnë me aplikimin e gjobave për ndotje të ambientit sipas ligjeve në fuqi.
Më poshtë, publikojmë disa foto në të cilat përshkruhet më mirë se si hedhen mbeturinat . 
