Publikuar më:
Shtetet e Bashkuara të Amerikës kanë dërguar për herë të parë në Siri dhe Irak avionët bombardues B-52.
Avionët luftarakë do përdoren për të luftuar Shtetin Islamik.
Autoritetet thonë se avionët janë dërguar ekskluzivisht për ‘sulme precize’- ndryshe nga lufta në Vietnam, kur avionët B-52 përdoreshin për bombardime në masë.
Për këtë arsye, avioni u bë simbol i superfuqisë amerikane gjatë Luftës së Ftohtë.
“Në kujtesën kolektive janë bombardimet e B-52 përpara disa dekadash, kur sulmet ishin pa kriter përzgjedhje. Këto kohëra kanë mbaruar. Sot B-52 është një platformë e sulmeve precize,” tha një zëdhënës i flotës ajrore, Steve Warren.
Avionët B-52 janë stacionuar prej dy javësh në Katar.
SHBA kanë nisur një fushatë ajrore kundër Shtetit Islamik që prej vitit 2014.
