Ferizaj.02.01.2018. Televizioni publik RTK,rrjeti tokësorë, sipas informatave nga qytetarët të cilët e përcjellin këtë televizion përmes këtij rrjeti, ka kohë që nuk mund ta përcjellin.
Në një shkrim dërguar redaksisë së Ferizajpress thuhet se as natën e ndërrimit të motmoteve nuk kishin mundësi ta përcjellin RTK-në.
“ Ne nuk kemi mundësi të paguajmë platformë të rrjeteve digjitale dhe zakonisht këtë televizion e kemi përcjellë përmes rrjetit tokësor. Por ka kohë që nuk funksionon. është thënë që ky televizion financohet nga Qeveria e Kosovës dhe nga mjetet e taksapaguesve. Po flitet që e kanë ndërpre këtë transmetim” ka shkruar një qytetar i Ferizajt.
Zyrtarë të RTK-së i kanë thënë Ferizajpress se transmetimi në rrjetin tokësor nuk është ndërprerë por ka një defekt teknik të cilin po mundohen që ta evitojnë.
Sipas zyrtarëve të RTK-së janë kontaktuar kompani profesionale dhe pritet që ky rrjet të kthehet në funksion.
Deri atëherë këtyre qytetarëve të cilët për shkak të gjendjes ekonomike nuk mundë të paguajnë ndonjë platformë të rrjetit digjital u mbetet të përcjellin televizione tjera të cilat tani për tani e ofrojnë këtë mundësi.
