Pas publikimit të lajmit se katër ish-anëtarë të Partisë Demokratike të Kosovës, dega në Shtërpcë kanë aderuar në Lidhjen Demokratike të Kosovës ka reaguar PDK, dega në Shtërpcë. Përmes një komunikate kjo degë ka thënë se personat e aderoar sot ne LDK asnjëherë nuk kanë qenë pjesë e strukturave të PDK-së.
“Dega e Rinisë së PDK-së në Shtërpcë demanton në tërësi lajmin se anëtarë kryesisë së rinisë së PDK-së në Shtërpcë i janë bashkuar LDK-së. Personat në fjalë asnjëherë nuk kanë qenë pjesë e kryesisë së RDK dega në Shtërpcë ky është një trillim i ulët.
PDK dega Shtërpcë çdo ditë e më shumë po e rrit anëtarësinë e saj me të reja e të rinjë të kësaj Komune. Fitorja e madhe po vjen!
PDK dhe koalicioni aktual i arritur ne mes të PDK-së AAK-NISMA do të jenë fitues në Shtërpcë dhe mbarë Kosovën, paniku i madh i partive të cilat u dorëzuan para proceseve të mëdha po dëshmon fitoren e madhe të koalicionit me PDK-ën” thuhet në komunikatën lëshuar nga Dega e PDK- së në Shtërpcë.
