Ferizaj është fitues i Kupës së Kosovës në hendboll në konkurrencë të femrave, pasi mposhti në finale Istogun me rezultat 28:27.
Në fakt në pjesën e parë Ferizaj dominoi plotësisht, ku pas 30 minutave rezultati ishte 16:11.
Por istogaset nuk u dorëzuan. Luftuan shumë në pjesën e dytë dhe e ngushtuan rezultatin në një gol.
Por nuk ia dolën të barazojnë, ndonëse fundi i takimit ishte shumë dramatik.
Shkurta Mehmeti e Amanda Stein ruajtën qetësinë në momentet vendimtare dhe shënuan golat që Ferizajt ia siguruan suksesin e madh.
![](https://ferizajpress.com/wp-content/uploads/2024/04/438088235_1205911527305693_1083173921815244638_n-1024x1024.jpg)