Lajme

Prokuroi në rastin e Kallashit nën hetime për “sjellje të pahijshme”


Publikuar më:


KALL

Prokuroi Beqë Shala ka përfunduar nën hetime nga Zyra e Prokurorit Disiplinor me dyshimet se ka kryer shkelje të pahijshme gjatë trajtimit të rastit “Cobra City”.

Lokali i njohur për shkak të valltares Donjeta Kosumi – Kallashi, “Cobra City” ishte bastisur shtatorit të vitit që lamë pas. Aksioni kishte perfunduar me arrestimin e Dibran Hoxhës, truproja e Kallashit, dhe vet valltares, e cila më pas ishte lenë e lirë.

Hoxha ishte ndalë në paraburgim, e për këtë një hulumtim i një emisioni për drejtësi kishte raportuar për parregullsi gjatë trajtimit të çështjes së paraburgimit të tij.

Prokurori Beqë Shala kishte kërkuar ndërprerjen e paraburgimit për Hoxhën me arsyetimin se kushtet për paraburgim kishin përfunduar, shkruan Kallxo.com. Derisa, raportimi në fjalë kishte siguruar prova se njëri nga kushtet kryesore, ai i intervistimit të palës së dëmtuar, nuk ishte përmbushur në kohën kur prokurori kërkoi ndërprerjen e arrestit.

Veprimet e prokurorisë në atë kohë ishin kritikuar nga drejtori rajonal i Prizreni Nexhmi Krasniqi i cili kishte rrëfyer për të kaluarën kriminale të grupit.

Ndërsa, kryeprokurori i Prizrenit Sylë Hoxha kishte pretenduar se çdo gjë rreth trajtimit të rastit të Dibran Hoxhës kishte qenë në rregull me procedurat ligjore.

Por, së fundi Zyra e Prokurorit Disiplinor, ka njoftuar se bazuar në të gjeturat e raportuara kjo zyrë ka arritur në konstatimin se prokurori kishte kryer “sjellje të pahijshme” dhe i njëjti me rekomandim të ZPD’së është dërguar në Komisionin Disiplinor të KPK’së.

Comments
To Top