Ferizaj

Policia ia konfiskon armën një 16-vjeçari në Ferizaj, e mbante pa leje


Publikuar më:


Policia në Ferizaj, pas një bastisje që kreu në fshatin Talinovc të Muhaxherëve në këtë komunë, kanë konfiskuar një armë pa leje në pronësinë e një 16-vjeçari me inciale R.M.

Kjo bastistje ishte kryer me urdhër të Gjykatës Themelore të Gjilanit, ka njoftuar Zyra e Informimit në Ferizaj përmes një komunikate për media.

16-vjeçarit i është konfiskuar një armë gjysmë-automatike pa fishekë.

“I dyshuari është shoqëruar në stacionin e policisë në Ferizaj dhe pas intervistimit nga hetuesit policor, me vendim të Prokurorit nga Prokuroria Themelore në Ferizaj, i njëjti është liruar për procedurë të rregullt hetimore, ndërsa rasti është cilësuar ” Mbajtja në pronësi, kontroll ose posedim i paautorizuar i armëve”, thuhet në njoftimin e Policisë. /Reporteri.net/.

Njoftimi i plotë:

Mbajtja në pronësi, kontroll ose posedim i paautorizuar i armëve

Sot, rreth orës 15:30, hetuesit e policisë të stacionit në Ferizaj, në bazë të një urdhërese të Gjykatës Themelore të Gjilanit, kanë kryer një bastisje në fshatin Talinovc i Muhaxherëve në Ferizaj.

Policia tek i dyshuari, personi me inicialet R.M ( M/K) i moshës 16 vjeçar ka gjetur dhe si prova materiale më pas ka konfiskuar një armë të zjarrit ( gjysmë automatike) pa fishkë.

I dyshuari është shoqëruar në stacionin e policisë në Ferizaj dhe pas intervistimit nga hetuesit policor, me vendim të Prokurorit nga Prokuroria Themelore në Ferizaj, i njëjti është liruar për procedurë të rregullt hetimore, ndërsa rasti është cilësuar “Mbajtja në pronësi, kontroll ose posedim i paautorizuar i armëve”.

To Top