Lajme

Po vdesin duke pritur kompensimin


Publikuar më:


para

Shtatë ish-të burgosur nga Gjakova kanë ndërruar jetë nga sëmundjet kanceroze duke pritur kompensimin për dëmin e shkaktuar si pasojë e burgimit.

Në pritje të këtij kompensimi edhe shumë ish-të burgosur të tjerë shqiptarë po jetojnë në skamje, e një pjesë jo e vogël e tyre po vuajnë nga sëmundje të ndryshme si pasojë e torturave në burg dhe tani pa mbështetje për mjekim.

Petrit Vula, një nga të burgosurit e grupit të Gjakovës, dhe një nga mjeshtrit më të njohur të kësaj komune që i dha disa vite të jetës së tij Kosovës i burgosur në Serbi, shteti i ri i tij nuk po i gjendet pranë as për ilaç. Për të tash financiarisht kontribuojnë vetëm të afërmit dhe miqtë.

Vula pas bërjes së dy operacioneve në kokë si pasojë e një tumori, është i palëvizshëm dhe nën përkujdesjen e pandërprerë të bashkëshortes së tij, Ilirianës, që ia pamundëson asaj të gjejë ndonjë punë të rëndomtë dhe të mbajë familjen. Në këtë familje të ardhurat mujore janë vetëm 75 euro, si pension invalidor që merr kryefamiljari Petrit Vula.

(Shkrimin e plotë mund ta lexoni në numrin e sotëm të gazetës Zëri)

Comments
To Top