Në një konferencë për medie Selim Marevci nga departamenti për administratë i PDK-së në Ferizaj ka thënë se akuzat ndaj kryetarit të Ferizajt nga opozita po vërtetohen edh me vendimet e Agjencionit për Menaxhimin e Emergjencave.
Marevci ka thënë së shqetësimet që i ka ngritur ditë më parë ky subjekt politik po vërtetohet se kryetari aktual po vazhdon të shkelë ligjin.
“Ndoshta për ju mund të jetë e pa kapshme, por kjo qeverisje në krye me Muharrem Svarqën për tre vite shkeli hiq me pak se 40 herë ligjet e shtetit tonë, pra për këta nuk ekziston sistemi juridik i Kosovës! Vetëm të numërohet deri ne 40 është goxha shumë, por lere të shkelen aktet me të larta që përmes këtyre rregullohet jeta e juaj qytetarë! Javën e kaluar ne reaguam për skandalin e radhës se kryetarit Sfarqa, në lidhje me hapjen skandaloze të konkursit për zjarrfikës duke shkel çdo akt juridik. Reagimi ynë si çdo reagim tjetër ishte me vend i dokumentuar me fakte konkrete dhe jo reagim politik apo siç i quan pushteti në ikje ” reagim refren”ka thënë Marevci.
“Këto shpifje të tyre i demantoi Agjencioni për Menaxhimin e Emergjencave i cili me të parë këtë skandal i cili u bë publik nga PDK-ja, AME kërkoi që menjëherë kryetari Svarqa ta anuloj këtë konkurs sepse nuk është konform dispozitave ligjore” tha Marevci
Marevci tha se këto 40 shkelje të ligjeve, ankesa jonë në MAPL, kërkesa jonë publike për fillimin e hetimit nga ana e prokurorisë për kryetarin e Komunës hasën në vesh të shurdhur, por jo edhe kjo e fundit nga AME, por sikur të reagonin me kohë këto institucione ky Kryetar tashmë do të ishte i shkarkuar dhe Ferizaj nuk do të ishte në një situatë kaotike siç është sot!
“ Pra lind pyetja ku është prokuroria që nuk po reagon pas tërë këtyre skandalëve? I bëjmë me dije Kryetarit në ikje, se ne nuk kemi asgjë personale si subjekt me ju, sepse ti mund të jesh një prind shumë i mirë, një xhaxha i mirë, një dajë i mirë, një mik i mirë, por nuk mund të jesh edhe Kryetar i mirë sepse tashmë qytetarët e kanë parë këtë keqqeverisjen që po ju servohet nga ky pushtet në ikje, e që shpresojmë të jenë nga “mos dija”! ……Ne po presim të vihet drejtësia në vend sepse besojmë në institucione!” ka thënë Marevci
Në anën tjetër shefi i kabinetit të kryetarit Balton Dërguti këto akuza i ka quajtur të pa baza dhe i ka cilësuar vetëm si tentim i krijimit të identitetit politik të Selim Marevcit brenda PDK-së
“Kjo është edhe një dezinformatë e radhës së degës së PDK-së. Dihet se kohë më parë bëri një ankesë në MAPL lidhur me shkeljet ligjore që i ka bërë komuna e Ferizajt por shumë e shpejtë ishte përgjigjja nga kjo Ministri që vërtetoi se nuk bëhej fjalë për asnjë shkelje të ligjit” tha Dërguti.
Dërguti këto deklarata të Drejtorit për administratë nga radhët e PDK-së Selim Marevci e quajti si tentim promovimi të këtij të fundit Brenda radhëve të PDK-së.
“Kjo është më shumë një deklaratë për krijim të identitetit të Selim Marevcit Brenda PDK-së pasi deri vonë ai ishte anëtar i LDK-së. Ai po mundohet të bëhet më PDK së vet PDK-ja. Ai është i paditur në këto procedura por përmes këtyre deklaratave po mundohet ta kthejë identitetin e tij” ka thënë Dërguti
