Pallati i Drejtësisë shquhet si fole e drejtësisë. Por, këtu nuk respektohen edhe aq shumë ligjet dhe rregullat e komunikacionit. Kjo pasi që, përveç problemeve të brendshme që janë shfaqur në Pallatin e Drejtësisë, probleme po dalin edhe në parkingjet e këtij pallati.
Në fakt, për dallim nga problemet e brendshme në Pallat, për të cilat fajtor po konsiderohen projektuesit e projektit miliona euro, për parkingjet e këtij pallati fajtorë po konsiderohen qytetarët që nuk po i parkojnë veturat e tyre siç duhet në këto parkingje.
Veturat e tyre, qytetarët po i parkojnë në rrugë duke bllokuar njërën korsi të rrugës, e cila krijon kaos në qarkullimin e veturave. Por, hiç më pak nuk mund të thuhet as për zyrtarët e këtij institucioni, veturat e të cilëve shihen të parkuara në mënyrë dhe vend të parregullt, në afërsi të Pallatit të Drejtësisë.
