Ferizaj

Organizohet turnir në volejboll me rastin e 17 vjetorit të çlirimit të Ferizajt


Publikuar më:


Në pallatin e sporteve “Bill Clinton” të premten është mbajtur turnir i institucioneve në volejboll femrat me rastin e 17 vjetorit të çlirimit të Ferizajt, i organizuar nga Drejtoria për Kulturë, Rini dhe Sport e Ferizajt.

“Është turne tradicional dhe mbahet  prej pesë viteve. Këtë e ka organizuar Komuna e Ferizajt dhe  është në vazhdën e aktiviteteve  të Ditës së Çlirimit. Në këtë turne morën pjesë  institucionet e komunës dhe pjesëmarrës janë gjenerata e mesme të cilat punojnë në institucione publik. Ky aktivitet është pritur  mirë nga të gjithë pjesëmarrësit”  tha Bashkim Haxhimusa , përgjegjës për sport në Komunën e Ferizajt.

Edhe  Shkurte Gashi  nga  ekipi i Spitalit dhe  Luljeta Limani nga policia rajonale e Ferizajt   thanë se ky  aktivitet është  shumë i qëlluar dhe  një mundësi  që përveç raporteve zyrtare këtu po kultivohen edhe raporte shoqërore.

Në këtë turne morën pjesë ekipet nga Komuna, Gjykata, Policia, Spitali dhe Qendra Kryesore e Mjekësisë Familjare në Ferizajt.

13405171_1064724050241174_1390490441_o 13441723_1064724026907843_1912331466_o 13410462_1064723953574517_28582278_o 13410341_1064723946907851_14066648_o 13441664_1064723923574520_1238316494_o 13397081_1064723906907855_1605493710_o

Comments
To Top