Drejtoria e Shëndetësisë dhe Mirëqenies Sociale për nesër (2 qershor) ka organizuar aksion për dhurimin e gjakut.
Mungesa e gjakut në qendrën për grumbullimin e gjakut në Ferizaj ka bërë që Drejtoria e Shëndetësisë në Ferizaj të organizoi një aksion për grumbullimin e këtij lëngu që është më se I domosdoshëm për të shpëtuar jetë.
Këtë e ka konfirmuar edhe Burim Karameta i cili tha se për këtë kanë shprehur gatishmëri të gjitha institucionet komunale në Ferizaj.
“Mungesa e gjakut në qendrën e grumbullimit të gjakut në Ferizaj na ka shtyrë që të organizojmë aksionin e dhurimit të gjakut në Ferizaj. Të gjithë vullnetarët për dhurimin e gjakut nesër do të takohen në sheshin “Adem Jashari” në Ferizaj ora 11:00 dhe nga aty shkohet tek Spitali me të gjithë njerëzit vullnet mirë që janë të gatshëm që me dhurimin e gjakut tu ndihmojnë personave të cilëve mungesa e tij mundë tu kushtoi edhe me jetë” tha Karameta.
Karameta tha se për këtë aksion kanë shprehur gatishmëri të gjitha institucionet komunale por ka bërë apel edhe tek të gjithë qytetarët e Ferizajt që ti përgjigjen këtij aksioni sepse dhurimi i gjakut do të thotë të shpëtosh një jetë.
Vendi: Dhurimi i gjakut bëhet tek Spitali i Ferizajt,objekti mes Spitalit dhe Institutit Kombëtar për Shëndetësi.
Koha : Ora 11:00
