Ferizaj

Nesër dy derbi në Ferizaj, “Ujqit” ftojnë për përkrahje të klubeve


Publikuar më:


Ditën e shtunë ferizajasit i presin dy derbi të nxehtë, njëri në luftën për mbijetesë e tjetri në luftën për titull.
Futbollistët e Ferizajt do jenë nikoqirë të Treçës’89 e cila ditë më parë elimioni Prishtinën në kuadër të Kupës së Kosovës. Djelmoshat e Bylbyl Sokolit do të kenë punë të vështirë pasi që i pret një ndeshje për fundin e tabelës po ashtu ku dihet edhe forma e ekipit kundërshtarë në të cilën po kalon.
Po ashtu të shtunën në mbrëmje hendbollistët e Kastriotit do ta kenë “nxehtë” në përballje me kundërshtarët direkt për titull Besa Famgas.
Kastrioti vjen në këtë ndeshje pas triumfit të vështirë në përballje me Vushtrrinë.

Futbollistët  ferizajas  kanë nevojë për përkrahje nga qyteti dhe Ujqit, andaj nesër të gjithë së bashku në mbështetje të KF Ferizaj dhe
KH Kastrioti .

Për këtë janë mobilizuar edhe tifozeria Ujqit  për një përkrahje sa më të fuqishme të  klubeve  ferizajase.

“Mbledhja e Ujqve bëhet nga ora 12;30 para stadiumit me bari sintetik (mbrapa sallës), ftojmë çdo antar të grupit tonë të jetë nesër prezent. Gjithashtu nesër krenaria e qytetit KH Kastrioti zhvillon derbin e sezonit, ku e pret skuadrën e KH Besa nga Peja. Skuadra jonë si lider i tabelës do të kërkojë fitoren, dhe të vazhdojë drejtë titullit të Kampionit. Për ta arritur fitoren, djelmoshave tanë i duhet perkrahja e qytetit dhe e jona si tifozeri. Mbledhja e Ujqve bëhet prej orës 18;00 para sallës së sporteve ‘Bill Clinton’. Ftojmë të gjithë antarët tanë që nesër të jenë prezent në dy paraqitjet e tifogrupit tonë. Arsye për mungesë nuk ka, të gjitha lagjet e qytetit bashkohemi dhe vazhdojmë me paraqitje në dy ndeshje” thuhet në ftesën e  tifozerisë Ujqit drejtuar  anëtarësisë së tifozerisë  dhe të gjithë sportë dashësve ferizajas.

KF Ferizaj – Trepça’89 ora 13:30

KH Kastrioti – Besa ora 19:00

To Top