Publikuar më:
Në ndërtesën e Ministrisë së Punëve të Brendshme në Zagreb, të dielën mbrëma hajdutët kanë arritur t’i vjedhin 280 mijë euro dhe dy kilogramë ari, shkruan 24sata.hr.
Vjedhja ndodhi në zyrën e departamentit të krimit të organizuar, dhe është zbuluar vetëm të hënën në mëngjes, transmeton Klan Kosova.
Bëhet e ditur se ata kanë hyrë në katin e dytë të kësaj ndërtese përmes shkallëve të emergjencës. Hetimi është në zhvillim e sipër dhe identiteti i hajdutëve nuk është zbuluar ende.
Rast pak a shum i ngjashëm vite më parë kishte ndodhur edhe në Kosovë, ku nga dhoma e dëshmive në Policinë e Kosovës, ishin vjedhur 50 kg drogë e llojit heroinë dhe dhjetëra mijëra eruo.
