Uncategorized

Moti i ligë do të kaplojë edhe disa rajone


Publikuar më:


1-291-780x439

Moti i ligë i cili sot në orët e pasdites e kaploi pjesën më të madhe të vendit, për momentin është duke lëvizur në drejtim të Kumanovës, Ovçe Poles dhe pjesës juglindore të luginës së Tikveshit. Moti i ligë mbretëron edhe në pjesën veriore të luginës së Pollogut, informojnë nga Drejtoria për punë hidrometeorologjike, transmeton Telegrafi Maqedoni.

Për momentin në pjesën lindore të luginës së Shkupit është qetësuar moti i ligë me shi të rrëmbyeshëm i cili do të qëndrojë rreth edhe një orë.

Stuhi të fuqishme ka në Koçan dhe Kriva Pallankë, ndërsa nga DPHM thonë se stuhia do të zgjasë.

Edhe një masë tjetër e paqëndrueshme lëviz në veri të Shkupit drejt luginës së Shkupit dhe Gostivarit.

„Për momentin stuhi ka në rrethinën e Koçanit dhe në rrethinën e Kriva Pallankës dhe pritet të zgjasë, pastaj në veri të Shkupit me drejtim të lëvizjes kah lugina e Shkupit dhe në rrethinën e Gostivarit“, thuhet në njoftimin e DPHM.

Për momentin në qendër të Shkupit mbretëron mot i qëndrueshëm me erë të moderuar. Pritet që masa e paqëndrueshme së shpejti të kalojë edhe mbi kryeqytet./Telegrafi/

 

Comments
To Top