29,03,2024

Komuna e Ferizajt me plan për zgjidhjen e problemit të armëve të shumta në shkolla

Must Read

Sot, Policia bëri të ditur se janë gjetur 40 thika, 7 armë zjarri, dhe disa armë tjera të ftohta, kryesisht në shkollat e mesme të Ferizajt.

Për këtë situatë shqetësuese, në Info Magazine në Klan Kosova, foli zëdhënësi i komunës së Ferizajt, Selim Marevci, duke i quajtur vandalistë nxënësit të cilët bartnin këso lloj armësh, ndërsa potencoi se aksioni ka filluar në oborre të shkollave, dhe ka vazhduar edhe në ambiente tjera, kryesisht në shtëpi private dhe lokale tjera.

Për këtë situatë, Marevci tha se  kryetari i Ferizajt, Agim Aliu, ka top prioritet sigurinë nëpër shkolla, si dhe sipas tij, është hartuar një plan për zgjidhjen e këtij problemi.

“Duke e parë këtë pasiguri të shkollave, kryetari Aliu në këtë mandat ka top prioritet sigurinë nëpër shkolla, dhe që nga shtatori i këtij viti, ne do të fillojmë me sigurinë private nëpër gjitha shkollat e Ferizajt, dhe asnjë person i paautorizuar nuk do të mund të futet në oborret e shkollave”, tha Marevci.

“Sa i përket këtij projekti për siguri nëpër shkolla, secili objekt shkollor do të ketë pjesëtarë të sigurisë fizike, që nga hyrja në oborrin e shkollës. Ky projekt ka kaluar të gjitha fazat e prokurimit, tashmë jemi në përfundim të këtij projekti, dhe që nga fillimi i vitit të ardhshëm arsimor, do të ketë pjesëtarë të sigurisë fizike në secilin oborr të shkollës”, shtoi Marevci.

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img