Pas dëmtimit të shtigjeve të ecjes nga reshjet në Parkun e Lirisë, Komuna investon në rregullimin dhe mirëmbajtjen e tyre
Rëra e shpërndarë nga reshjet e fuqishme të shiut që kaluan javëve që shkuan në Ferizaj, në Parkun e Lirisë kërkon intervenimin e autoriteteve lokale.
Për t’i rikthyer pamjen e bukur shtigjeve të ecjes e vrapimit në Parkun e Lirisë, Komuna e Ferizajt ka dërguar eskavatorët dhe ekipet tjera mirëmbajtëse për ta realizuar këtë investim.
Për t’i inspektuar këto punime, doli NënKryetari i Komunës, Arton Gavazi dhe drejtorët komunal, Arben Halili dhe Zekir Bytyqi. Ata thanë se investimet në këtë hapësirë do të zgjerohen edhe në mirëmbajtjen e parkut si dhe në investime tjera në infrastrukturën më të mirë për të gjithë frekuentuesit e Parkut të Lirisë, investime këto që pritet të realizohen ditëve në vijim.
