Lajme

Kocijançiç: Na vjen keq për anulimin e takimit në Vjenë


Publikuar më:


Maja-Kocijancic-780x439-750x375

Zëdhënësja e KE, Maja Kocijançiç sot për Telma ka konfirmuar që takimi në Vjenë me liderët politik të Maqedonisë është anuluar, transmeton Telegrafi Maqedoni.

Kocijançiç ka shprehur keqardhje për dështimin e mbajtjes së bisedimeve në Vjenë, duke paralajmëruar se në mënyrë plotësuese do të publikohet reagimi zyrtar i KE.

“Na vjen keq që nuk mund të mbahet takimi i liderëve i planifikuar në Vjenë për 22 prill. Vazhdimisht themi që mossuksesi i Marrëveshjes së Përzhinos do të ketë pasoja serioze për vendin.

 Ndjejmë keqardhje të thellë për çdo hap prapa nga Shkupi, i cili do ta largonte vendin edhe më shumë nga aspiratat e saj për asocim në Bashkimin evropian.

Mbetemi në dispozicion për tu dalë në ndihmë partive, tani dhe në të ardhmen. Por, përgjegjësia për sigurimin e përparimit demokratik dhe progresit në rrugën euro-atlantike është në duart e vetë partive, në interes të qytetarëve dhe shtetit të tyre. Tani ata duhet të arrijnë rezultate, ka thënë Kocijançiç.

Ajo ka paralajmëruar që së shpejti Komisioni evropian do të del me reagim më të hollësishëm./Telegrafi/

Comments
To Top