Editorial

Këshilla për marrëdhëniet në çift gjatë qëndrimit në shtëpi në kohën e pandemisë Covid-19!


Publikuar më:


Me përhapjen e pandemisë COVID-19 shume qifte do te kalojnë me shume kohe se bashku. Nga kjo gjendje mund te ketë shume përfitime por mund te ketë edhe shume sfida, me poshtë i kemi renditur disa këshilla se si te kaloni sa me mire me partnerin.

-Një marrëdhënie e shëndetshme duhet të ketë një ekuilibër të mirë të kohës duke kaluar së bashku si çift por dhe duke kaluar kohë vetëm. Ajo që një person mund ta konsiderojë si kohë të mjaftueshme, mund të mos jetë e mjaftueshme për tjetrin. Me rritjen e kohës së bashku në të njëjtin vend, është e dobishme të flasim për nevojat tuaja dhe të respektoni nevojat e ndryshme të partnerit tuaj për hapësirë ose afërsi.

-Praktikoni empatinë. Reagimi i të gjithëve ndaj kësaj situate do të jetë unik i tyre. Merrni kohë për tu kujdesur se si ndiheni. Zgjidhja e problemeve nuk është me të vërtetë qëllimi. Nevojat njerëzore kanë të bëjnë më shumë me ndjenjën për të dëgjuar, mbështetur dhe të vlerësuar sa me shume njeri tjetrin .

-Mendohuni dy here para se te flisni nëse jeni me nerva. Mos u përpiqni të flisni nëse jeni të mërzitur, thjesht heshtni ose dilni për pak qaste jashtë merrni ajër dhe qetësoheni që kur të ktheheni tek partneri do të shihni që mërzia ka mbetur pas.

-Mos përdorni sekretet e partnerit apo dobësitë e tij\saj gjatë një zënke për të lënduar, apo edhe në një situatë te zakonshme. Ajo çfarë juve ju duket e pa rëndësishme mund të jetë diçka shumë serioze për partnerin. Merrni në konsideratë atë çfarë është e rëndësishme për njeriun e zemrës dhe mos e diskutoni atë miqtë apo familjarët tuaj.

-Mos harroni se edhe në mes të një periudhe izolimi fizik social, është e rëndësishme të planifikoni për një kohë cilësore si çift. Kjo mund të nënkuptojë të bëni blerjet e ushqimeve së bashku, të gatuani së bashku apo të gatuani një mëngjes për partnerin ose të planifikoni një mbrëmje relaksuese në shtëpi.

-Kërkoni pjesët më të mira të marrëdhënies tuaj dhe dyfishoni ato. Tani është koha për të bërë më shumë planifikime dhe ndoshta pse jo për të menduar zgjerimin e familjes tuaj (kohen për të sjellë në jetë një fëmijë) dhe të vlerësojmë atë që ju mban së bashku si çift.

-Është e dobishme për të mbajtur lidhjet tuaja sociale jashtë marrëdhënies tuaj me partnerin tuaj, të tilla si me miqtë tuaj, familjen dhe koleget.

-Një opsion tjetër pozitiv që çiftet mund ta bëjnë është duke ndërmarrë një projekt të përbashkët në të cilin mund të përfshihen, të interesohen dhe ta shijojnë. Puna për një projekt së bashku mund të jetë e dobishme dhe plotësimi i saj mund t’ju japë të dyve një ndjenjë përmbushjeje.

-Mundohuni të keni biseda të përditshme të cilat nuk kanë të bëjnë me pandeminë. Jini të ndërgjegjshëm dhe përqendrohuni në momentin aktual. Është e rëndësishme që çiftet mund të bëjnë shumë gjera gjatë kohës së detyruar së bashku, ata gjithashtu mund të bëhen shumë më të afërt dhe të lidhur në mënyra të reja

-Nëse jeni ankuar prej kohësh që oraret nuk ju përshtaten për të kaluar kohë cilësore së bashku, përpiquni të përdorni krizën aktuale për të gjetur më shumë kohë për të lumturuar njeri tjetrin, për të shprehur dashurinë tuaj më të zjarrtë në drejtim të partnerit të jetës tuaj.

To Top