28,03,2024

Ja çfarë pritet të ndodh sot në Kosovë

Must Read

ngjarjet-650x358

Më poshtë gjeni ngjarjet që janë paralajmëruar se do të ndodhin sot, më 5 prill, në Kosovë.

Forca e Sigurisë së Kosovës dhe Komuna e Mitrovicës organizojnë ushtrimin fushor “Veprimi i Shpejtë 7” ku pjesëmarrës do të jenë edhe institucionet e tjera si Policia e Kosovës, NJPZSH, Kryqi i Kuq, Shërbimi Mjekësor dhe Kombinati Trepça. (Hapësirat e Kombinatit Trepça në Fabrikën e Akumulatorëve, ora 9:00)

Mbledhja e Komisionit për Integrime Evropiane në të cilën do të behët shqyrtimi i Projektligjit për Auditorin e Përgjithshëm dhe Zyrën Kombëtare të Auditimit të Republikës së Kosovës, me amendamentet e Komisionit funksional nga aspekti i përputhshmërisë me legjislacionin e BE-së. (Ndërtesa e Kuvendit, salla S-II, ora 10:00)

Kryeministri Isa Mustafa viziton Komunën e Klinës me ç’rast do të takohet me Kryetarin e Komunës së Klinës, Sokol Bashota. (Ndërtesa e komunës, zyra e krytarit Bashota, ora 10:00)

Zyra e Bashkimit Evropian organizon lansimin e ngjarjes për projektin e binjakëzimit ‘Përkrahja e mëtutjeshme e reformës së arsimit në drejtësi’. (Objektet e Këshillit Gjyqësor të Kosovës, ora 10:00)

Mbledhja e Komisionit për Shëndetësi, Punë dhe Mirëqenie Sociale në të cilën do të behët përzgjedhja e ekspertit për projektligjin ndryshimin dhe plotësimin e ligjit për statusin dhe të drejtat e dëshmorëve, invalidëve, veteranëve, pjesëtarëve të ushtrisë çlirimtare të Kosovës, viktimave civile dhe familjeve të tyre. (Ndërtesa e Kuvendit, salla N 302, ora 10:00)

Kryeministri Isa Mustafa zhvillon një Vizitë në Fabrikën për prodhimin e ëmbëlsirave “AMO”. (Objekti i fabrikës në komunën e Klinës, ora 10:45)

Kryeministri Isa Mustafa bën vizitë në eventin përmbyllës të projektit “More Quality Domestic Cheese for the Domestic Market” të implementuar nga korporata “Rugove” dhe të financuar nga Zyra e Bashkimit Evropian në Kosovë. (Hapësirat e fabrikës “Djath Rugove” në Drelaj të Rugovës, ora 12:30)

Për nderë të kujtimit për dëshmorët e luftës së Ushtrisë Çlirimtare të Kosovës dhe martirëve të lirisë, në 17-vjetorin e rënies , në fshatin Vraniq të Suharekës, mbahet tubim përkujtimor. (Pranë lapidarit të dëshmorëve të kombit, në qendër të fshatit V raniq, ora 14:00)

Shefi i Zyrës së BE-së Samuel Žbogar takon kryetarin e Pejës Gazmend Muhaxheri. (Ndërtesa e Komunës së Pejës, ora 14:30)

 

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img