Ferizaj

Hiqet ora policore, lejohet lëvizja pa maska në ambient të jashtëm


Publikuar më:


Qeveria e Kosovës ka marrë vendin në mbledhjen e sotme për lehtësimin e masave anti-Covid.

Këto janë disa nga masat kryesore:

Hiqet kufizimi i orarit të lëvizjes, megjithatë nga ora 00:00 deri në ora 05:00 të mëngjesit nuk lejohet grumbullimi i më shumë se 10 persona.

Zgjatet orari i punës për gastronominë deri në ora 23:00.

Lejohet lëvizja pa maska gjatë ecjes dhe në ambiente të jashtme.

Masat do të hynë në fuqi nga dita e hënë.

Ministri i Shëndetësisë, Arben Vitia bëri të ditur propozimin e tij para kryeministrit, Albin Kurti dhe kolegëve ministra.

“Kufizimi i orarit do të hiqet, e megjithatë nga ora 00:00, e deri në ora 05:00 nuk lejohet grumbullimi më shumë se 10 personave. Gastronomia do të punojë deri në ora 23:00. Lejohet lëvizja pa maska kur qytetarët janë vetëm edhe në ambient të jashtëm”, tha Vitia.

Po ashtu në bazë të këtij vendimi do të lejohet organizimi i dasmave dhe puna e klubeve të natës në bazë të një manuali të veçantë.

To Top