Publikuar më:
Pep Guardiola është pyetur rreth transferimit të Ilkay Gundogan në Manchester City.
Sipas asaj çfarë shkruajnë mediat britanike, ylli i Borussia Dortmund, Ilkay Gundogan, ka arritur marrëveshje me Manchester Cityn për një transferim prej 30 milionë eurove.
Por, Pep Guardiola refuzoi të përgjigjej rreth kësaj, kur ai u pyet gjatë një konference për shtyp.
Guardiola, i cili do ta zëvendësojë Manuel Pellegrinin si trajner i Cityt në fundin e sezonit, mësohet se ka bërë gati planet e tij për transferime në merkato pasi u takua me drejtorin sportiv Txiki Begiristain në Amsterdam në muajin mars.
Sidoqoftë, Guardiola nuk dha asnjë përgjigje konkrete kur u pyet rreth transferimit të Gundogan.
“Unë jam trajner i Bayern Munchen”, tha Guardiola kur u pyet rreth transferimit të lojtarit.
25-vjeçari Gundogan ka bërë 39 paraqitje në të gjitha garat për Dortmundin e Thomas Tuchel këtë edicion. /Gazeta Blic/
