Zëdhënsi i Vetëvendosjes, Frashër Krasniqi, përmes llogarisë së tij në Facebook, i është kundërpërgjigjur Burim Ramadanit të AAK-së, i cili në mënyrë indirekte kishte akuzur VV-në për djegien veturave të zyrtarëve shtetëror.
Sipas Krasniqit, Burim Ramadani po e bën argatin e Kadri Veselit.
Ja reagimi i plotë i Krasniqit:
“Para pak kohësh, Kadri Veseli e fitoi edhe një argat, AAK-në. Kurse sot, prokuroria e kapur nga Kadri Veseli e fitoi edhe një dëshmitar të rrejshëm për përndjekjen politike të VETËVENDOSJE!-s, Burim Ramadanin. Ky i fundit – me një gjuhë saktësisht të njëjtë me atë të Qeverisë para një muaji – sot e paska akuzu me të pavërteta VETËVENDOSJE!-n për djegie makinash. Ky nuk është më flirtim me pushtetin. Ky është bashkëpunim me pushtetin e kriminalizuar.”
