Publikuar më:
Këtë të shtunë në teatrin e qytetit “Adriana “në Ferizajt, është mbajtur edicioni 33 i Festivalit të këngës për fëmijë “Fëmijët e Gëzuar 2021”.
Hapjen zyrtare të këtij festivali e bëri drejtorja për Kulturë, Rini dhe Sport, Xhemile Murati-Shabani, e cila e ka vlerësuar tejet lart këtë festival tashmë tradicional në qytetin e Ferizajt.
Ndërsa drejtori i këtij festivali Nazmi Aliu, është shprehur se e ka pasur shumë të vështirë përzgjedhjen e fëmijëve për të marre pjesë në këtë festival për shkak se të gjithë fëmijët ishin shumë të veçantë.
Festivali është mbajtur në kuadër të “Ditëve të Kulturës”, ndërsa për nesër është planifikuar që të mbahet edhe një ecje nga sektori i rinisë në bashkëpunim me shoqatat bjeshkatare të komunës së Ferizajt.
